PINASINAYAAN ni Pangulong Rodrigo Roa Duterte ang unang solar powered Public Market at Commercial Complex sa Pilipinas na itinayo sa bayan ng Narvacan, Ilocos Sur sa ilalim ng liderato ni LMP President at Narvacan Mayor Chavit Singson.
Ito ang lantay na patunay ng “Golden Age Infrastructure in Narvacan” na ipinangako ni Mayor Chavit Singson bilang katuparan na magdadala ng totoong pagbabago, pag-unlad at tagumpay sa munisipalidad ng kanyang mamamayan.
Kasama din ng Pangulo at ni League of Municipalities of the Philippines President at Narvacan Mayor Luis ‘Chavit’ Singson, sina Senator Lawrence ‘Bong’ Go, Cagayan Economic Zone Authority Administrator at CEO Secretary Raul Lambino, DOLE Secretary Silvestre ‘Bebot’ Bello, DA Secretary William Dar, National Security Adviser Hermogenes Esperon, Jr., dating DPWH Secretary Mark Villar at Ilocos Sur Governor Ryan Singson.