NI Louis Pangilinan
Giniba ng MERALCO ang unang dalawang leg winner ng PBA 3x3 First Conference Season 3 para akuin ang top seed sa pagratsada ng Leg 4 nitong Lunes sa Ayala Mall Circuit.
Binalikan ng Bolts ang back-to-back leg champion na Barangay Ginebra, 19-15, at tinalo ang nagwaging TNT noong nakaraang linggo, 21-13, para sa 2-0 record sa tuktok ng Pool A.
Samantala, ang Triple Giga ay naki-jamming sa Bolts sa knockout stage noong Martes bilang no. 2 team sa grupo nito matapos patalsikin ang Kings, 18-17.
Ang maagang pag-eksit ng Ginebra ay dumating dalawang linggo matapos ang koponan ang nanguna sa Legs 1 at 2 ng bagong season.
Kabaligtaran, ang TNT ay siya ring unit na nagpayalsik sa Ginebra noong isang linggo matapos ang 21-19 win sa kanilang quarterfinal match up.
Nakapasok din sa quarterfinals ang Wilcon Depot, San Miguel, at Cavitex.
Nagtapos ang Wilcon na may perpektong 3-0 slate sa Pool B nang talunin nito ang Blackwater (14-13), Northport (18-14), at Pioneer Elastososeal (17-16). (Louis Pangilinan/PBA)